Oʻzbekiston Respublikasi Prezidenti Shavkat Mirziyoyev 28 fevral kuni Rossiya Federatsiyasi Hukumati Raisining oʻrinbosari Marat Xusnullin boshchiligidagi delegatsiyani qabul qildi, deya xabar beriladi prezident. uz rasmiy veb- saytida.
Uchrashuv avvalida yuqori martabali mehmon davlatimiz rahbariga Rossiya Federatsiyasi Prezidenti Vladimir Putin va Hukumati Raisi Mixail Mishustinning salomi va eng ezgu tilaklarini yetkazdi.
Rossiya yetakchisining oʻtgan yil may oyidagi Oʻzbekistonga davlat tashrifi davomida erishilgan kelishuvlarni amalga oshirish doirasida oʻzaro manfaatli amaliy hamkorlikni, shu jumladan qurilish tarmogʻida va hududlarni rivojlantirish sohasida kengaytirish masalalari koʻrib chiqildi.
Qurilish sohasida keng koʻlamli kooperatsiyani rivojlantirishga alohida eʼtibor qaratildi. Ikki mamlakat tashkilotlari va kompaniyalari ishtirokida hududlarni ijtimoiy-iqtisodiy rivojlantirish dasturlari doirasida infratuzilma obyektlarini loyihalashtirish va qurish, qurilish materiallari va uskunalar yetkazib berish shunday loyihalar jumlasidan.
Ulushli qurilish, loyihalashtirish, ekspertiza, raqamlashtirish va davlat xaridlarini amalga oshirish boʻyicha tajriba almashishni davom ettirish muhimligi taʼkidlandi.
