Oʻzbekiston Respublikasi Prezidenti Shavkat Mirziyoyev 5 sentyabr kuni Xitoy Kommunistik partiyasi Markaziy qoʻmitasi Siyosiy byurosi aʼzosi, Tyanszin shahri partiya qoʻmitasi kotibi Chen Miner boshchiligidagi Xitoy Xalq Respublikasi delegatsiyasini qabul qildi, deya xabar beriladi prezident. uz rasmiy veb- saytida.
Uchrashuv boshida Chen Miner davlatimiz rahbariga Xitoy Xalq Respublikasi Raisi Si Szinpinning salomi va eng ezgu tilaklarini yetkazdi.
Oliy darajadagi kelishuvlarga muvofiq Oʻzbekiston bilan Xitoy oʻrtasidagi koʻp qirrali hamkorlik va amaliy sheriklikni, ayniqsa, faol hududlararo muloqot doirasida yanada chuqurlashtirish masalalari muhokama qilindi.
Keyingi yillarda Oʻzbekiston-Xitoy doʻstlik va har qanday sharoitda ham strategik sheriklik munosabatlarida yuksak darajaga erishilgani katta mamnuniyat bilan qayd etildi.
Tyanszin shahrining yetakchi kompaniyalari bilan savdo, sanoat, «yashil» energetika, qurilish va infratuzilmani modernizatsiya qilish, qishloq xoʻjaligi, toʻqimachilik, farmatsevtika va boshqa sohalarda kooperatsiya loyihalarini ilgari surishga alohida eʼtibor qaratildi.
Innovatsiyalar, taʼlim va madaniyat sohalarida almashinuv dasturlarini kengaytirish muhimligi taʼkidlandi.
Oʻzbekiston hududlari va Tyanszin shahri oʻrtasidagi oʻzaro manfaatli hamkorlik boʻyicha «yoʻl xaritasi»ni qabul qilishga kelishib olindi.
