Markaziy Osiyo davlatlari rahbarlarining sammiti oldidan Oʻzbekiston Prezidenti Shavkat Mirziyoyev, Qozogʻiston Prezidenti Qasim-Jomart Toqayev va Qirgʻiziston Prezidenti Sadir Japarovning norasmiy uchrashuvi boʻlib oʻtdi.
Davlat rahbarlari birgalikda «Nomad» madaniyat markaziga bordilar. Hunarmandchilik buyumlari koʻrgazmasi koʻzdan kechirildi. Soʻng koʻchmanchilar oʻyinlari namoyish etildi.
Markaziy Osiyo xalqlari kuy-qoʻshiqlaridan tuzilgan konsert dasturida ellarimiz birligi, madaniy yaqinligi namoyon boʻldi.
