Жорий йилнинг 20-25 январь кунлари Ўзбекистон Республикаси маданият вазирининг биринчи ўринбосари О.Назарбеков Туркия Республикасига жўнаб кетди.
Ташриф доирасида, Туркия Республикасининг туризм ва маданият вазирининг биринчи ўринбосари Ахмад Халук Турсун ва турк ижодкорлари томонидан суратга олинган “Дирилиш” фильмини продюсери ва режиссёри Меҳмет Бўздағ билан учрашувлар ўтказилиши режалаштирилган. Учрашувда тарихий сиймо ва мўғул босқинчилари зулмидан ярим жаҳонни сақлаб қолган халоскор Жалолиддин Мангуберди фильмини тасвирга олиш борасида музокаралар олиб борилади.
