Poytaxtimizda oʻtayotgan boks boʻyicha jahon chempionatida Ruslan Abdullayev uchinchi gʻalabasiga erishdi. Mavrikiylik Richarno Kolinga qarshi ringga chiqqan yurtdoshimiz shohsupa sari yana bir dadil qadam tashladi. Endi Abdullayev chorak finalda fransiyalik Lounes Xamrouiga qarshi ringga koʻtariladi.
Buxorolik bokschi Saidjamshid Jafarov (-71 kg) jahon chempionatidagi ikkinchi jangini oʻtkazdi. Meksikalik Marko Verdega qarshi bahs olib borgan yurtdoshimiz ishonchli gʻalaba bilan chempionatdagi yurishini davom ettiradigan boʻldi.
Jahon chempionatida -67 kg vazn toifasida ishtirok etayotgan Asadxoʻja Moʻydinxoʻjayev ham bahslarga kirishdi. Yurtdoshimiz birinchi bosqichda yaponiyalik Yuto Vakitaga qarshi jang qilib, gʻalabaga erishdi.
gujum.uz
