Oʻzbekiston Respublikasi Prezidenti Shavkat Mirziyoyevning topshirigʻiga koʻra, Qozogʻiston Respublikasining Oqtoʻba viloyati Irgiz tumanida «Samara-Chimkent» avtomobil yoʻlida avtobus yonishi oqibatida halok boʻlgan 52 nafar Oʻzbekiston Respublikasi fuqarosi oilalarining barchasiga bir martalik nafaqa ajratildi, deya xabar berilmoqda Prezident.uz saytida.
Mahalliy ijro hokimiyati organlari, Sogʻliqni saqlash vazirligi vakillari hamda mahalla faollari tomonidan halok boʻlganlarning oilalariga maʼnaviy va moddiy yordam koʻrsatish boʻyicha zarur choralar koʻrilmoqda.
