Oʻzbekiston Respublikasi Prezidenti Shavkat Mirziyoyev 2 may kuni Namangan viloyatiga tashrif buyurdi.
Davlatimiz rahbari 2017 yil iyulda viloyatga tashrifi chogʻida viloyatdagi tuman va shaharlarda bunyodkorlik ishlarini amalga oshirish, yangi korxonalar tashkil etish, ish oʻrinlari yaratish, qishloq xoʻjaligini rivojlantirish, aholi turmush sharoitini yaxshilash yuzasidan vazifalarni belgilab bergan edi. Mazkur topshiriqlar izchil amalga oshirilishi natijasida sanoat va tadbirkorlik subyektlari tashkil etildi. Mahsulot ishlab chiqarish va eksport hajmi oshdi. Zamonaviy uy-joylar, infratuzilma obyektlari bunyod etildi.
Prezident Shavkat Mirziyoyev ushbu ishlarning sifati, islohotlarning borishi bilan tanishadi, viloyatni ijtimoiy-iqtisodiy rivojlantirish boʻyicha yangi loyihalarni belgilab beradi.
