Давлатимиз раҳбари Шавкат Мирзиёев АҚШ Сенати раиси ўринбосари, молия бўйича қўмитаси раиси Оррин Хэтч бошчилигидаги сенаторлар билан мулоқот қилди.
Республикачилар партияси аъзоси бўлган Оррин Хэтч чуқур билим ва катта тажрибага эга сиёсатчи. У 1977 йилдан бери сенатор сифатида ҳурмат қозонган.
Бу нуроний инсон билан мулоқот самимий ва самарали кечди. Оррин Хэтчнинг юксак билим ва тажрибаси, кучли энергияси Президентимизда катта таассурот қолдирди.
Учрашувда мамлакатларимиз ва халқларимиз ўртасидаги алоқаларни фаоллаштириш юзасидан фикр алмашилди.
