Prezident Shavkat Mirziyoyev tashrif doirasida Nukus shahrida yangi barpo etilgan “Samsung” brendi asosida zamonaviy televizorlar va changyutgichlar ishlab chiqarishga ixtisoslashgan korxonasida ham boʻldi, deya xabar bermoqda Prezident.uz saytida.
Bu yerda davlatimiz rahbariga korxonaning ishlab chiqarish quvvatlari, eksport salohiyati haqida soʻzlab berildi. Shu yerning oʻzida Prezident “Oʻzeltexsanoat” kompaniyasi tomonidan 2018 yilda Qoraqalpogʻiston Respublikasida amalga oshirilishi koʻzda tutilgan loyihalarning taqdimoti bilan tanishdi.
