Бирлашган араб амирлигининг Дубай шаҳрида қиличбозлик бўйича ўсмирлар ва кадетлар ўртасида Осиё чемпионати бўлиб ўтмоқда.
Мусобақанинг қилич (сабля) йўналишида жамоавий баҳсларда қатнашган кадетларимиз чорак финалда Иордания терма жамоасини 45:23 ҳисобида мағлубиятга учратганликлари ҳақида хабар қилгандик. Вакилларимиз ярим финалда қувайтлик рақибларни 45:44 ҳисобида мағлуб этиб, финал йўлланмасига эга бўлгандилар.
Ҳал қилувчи финал жангида спортчиларимиз Жанубий Кореяга 26:45 ҳисобида ютқазиб қўйдилар ва Осиё чемпионатининг кумуш медали соҳибига айландилар.
Маълумот учун, қилич (сабля) бўйича баҳсларда терма жамоамиз таркибида қуйидаги спортчилар жанг ўтказдилар:
Жалолиддин Душамбоев (2002 йил) — Чирчиқ Олимия захиралари спорт коллежи тарбияланувчиси
Шерзод Мамутов — (2002 йил) — Қорақалпоғистон Республикси агро ва сув хўжалиги коллежи ўқувчиси
Пазил Генжебаев — (2003 йил) — Қорақалпоғистон Республикаси 2-сонли ихтисослаштирилган мактаб ўқувчиси
Бобир Расулов — (2002 йил) — Тошкент шаҳри, 34-сонли мактаб ўқувчиси.
Ўзбекистон Миллий олимпия қўмитаси Матбуот хизмати
