Пойтахтнинг Яккасарой туманида жойлашган Ўзбекистон давлат хореография академияси 3-босқич талабаси Рустам Пардабоев ёш олимлар ўртасида ўтказилган халқаро танловда ғолиб бўлди.
Ушбу беллашув Қозоғистоннинг Нурсултон шаҳрида Мустақил Давлатлар ҳамдўстлиги давлатлари ўртасида бўлиб ўтди. Юртдошимиз Р. Пардабоев «Йилнинг энг яхши ёш олими-2021» халқаро танловининг “Маданият” йўналиши бўйича иштирок қилиб, фахрли 1-ўринни эгаллади.
