Poytaxtning Yakkasaroy tumanida joylashgan Oʻzbekiston davlat xoreografiya akademiyasi 3-bosqich talabasi Rustam Pardaboyev yosh olimlar oʻrtasida oʻtkazilgan xalqaro tanlovda gʻolib boʻldi.
Ushbu bellashuv Qozogʻistonning Nursulton shahrida Mustaqil Davlatlar hamdoʻstligi davlatlari oʻrtasida boʻlib oʻtdi. Yurtdoshimiz R. Pardaboyev «Yilning eng yaxshi yosh olimi-2021» xalqaro tanlovining “Madaniyat” yoʻnalishi boʻyicha ishtirok qilib, faxrli 1-oʻrinni egalladi.
