Bundan bir yil avval, ilk bor «Zakovat-Gambit» musobaqasi oʻtkazilganida, orzuimiz roʻyobga chiqishi uchun zamin yaraldi – biz jahonning Shaxmat poytaxtiga aylanishni niyat qildik. Shaxmatda yetakchi boʻlishni maqsad qildik!
Shaxmatchilarimiz bu yil orzuimiz tomon ulkan qadam qoʻydilar – Oʻzbekiston tarixda ilk marotaba shaxmat boʻyicha yetakchi 20 davlat qatoriga kirdi!
Hayratga loyiq tomoni shundaki, biz bunga yoshlarimiz, yosh grossmeysterlarimiz sababli erishdik!
Bu gʻalabani butun dunyo kuzatdi, xalqaro shaxmat hamjamiyati yigit-qizlarimizni olqishladi! Bir paytlar eng kuchli shaxmatchilarni boshqa davlatlardan taklif qilardik. Endi esa, oʻzimiz jahonning eng oldi qatoridamiz!
