27-июнь – Матбуот ва оммавий ахборот воситалари ходимлари куни мамлакатимизнинг барча ҳудудларида кенг нишонланди.
Жумладан, Хоразм вилояти ҳокимлиги томонидан ташкил этилган тантанали маросимга воҳанинг журналистлари, ташкилотларнинг матбуот котиблари, блогерлар, матбаачилар ва соҳа фахрийлари таклиф этилди.
Хоразм вилояти ҳокими Ж. Рахимов тадбир иштирокчиларини касб байрами билан табриклаб, фахрий ёрликлар топширди, уларнинг меҳнатини эътироф этди.
Тадбирда кўплаб журналистлар сўз олиб, юртимизда сўз ва матбуот эркинлигини таъминлаш, соҳани ривожлантириш йўлидаги улкан ислоҳотлар ҳақида ўз фикрларини билдиришди. АОКАнинг Хоразм вилояти бошқармаси бошлиғи Дилбар Бекчанованинг фикрларини ва ушбу тадбирдан олинган лавҳани эътиборингизга ҳавола қиламиз.
