Prezident Shavkat Mirziyoyev Prezident Qasim-Jomart Toqayevning taklifiga binoan 5 dekabr kuni davlat tashrifi bilan Qozogʻiston poytaxti Nur-Sulton shahriga keldi, deya xabar beriladi prezident. uz rasmiy veb- saytida.
Nursulton Nazarboyev nomidagi xalqaro aeroportda oliy martabali mehmon sharafiga faxriy qorovul saf tortdi.
Davlatimiz rahbarini Qozogʻiston Respublikasi Prezidenti Qasim-Jomart Toqayev kutib oldi. Ikki mamlakat yetakchilarining qisqa suhbati boʻlib oʻtdi.
Tashrifning asosiy tadbirlari 6 dekabrga moʻljallangan. Oliy darajadagi muzokaralarda siyosiy muloqotni mustahkamlash, savdo-iqtisodiyot va transport-logistika sohalaridagi hamkorlikni rivojlantirish, madaniy-gumanitar aloqalarni faollashtirish iqtiqbollari muhokama qilinishi, mintaqaviy va xalqaro masalalar yuzasidan fikr almashilishi rejalashtirilgan.
Uchrashuv natijalari boʻyicha 20 dan ortiq hujjat imzolanishi koʻzda tutilgan.
