Sayxunobod tumanidagi 8-musiqa va sanʼat maktabida Prezident Shavkat Mirziyoyev raisligida Sirdaryo viloyati faollari va mutasaddi rahbarlar ishtirokida yigʻilish boshlandi.
Davlatmiz rahbari oʻtgan yili may oyidagi tashrifdan soʻng koʻplab loyihalar amalga oshirilgani, lekin qilingan ishlardan koʻra qilinadigan ishlar koʻpligini taʼkidladi.
Eng katta vazifamiz – odamlarni rozi qilish, dedi Shavkat Mirziyoyev. Buning uchun yangi korxonalar tashkil etib, aholini ish bilan taʼminlash, ularga oʻz hayotlarini yaxshilashi uchun imkoniyat yaratish, daromad manbaini topib berish zarur.
