Mamlakatimiz rahbari Qoraqalpogʻiston Respublikasiga tashrifi doirasida Taxiatosh tumaniga tashrif buyurib, yangi tashkil etilayotgan “Taxiatosh” kichik sanoat zonasi, uning iqtisodiy imkoniyatlari, investorlar uchun yaratilgan sharoitlar bilan yaqindan tanishdi. Tadbirkorlar bilan muloqot qildi. Prezidentga 2018-2020 yillarda hududiy sanoatni rivojlantirish dasturi, qurilish materiallari ishlab chiqarish loyihasi, boʻsh turgan va samarasiz foydalanilayotgan davlat obyektlari negizida yangi, zamonaviy korxonalarni tashkil etish loyihalari taqdim qilindi.
