Shavkat Mirziyoyev qishloq xoʻjaligida tarkibiy oʻzgarishlar davom ettirilishi, hosildorligi kam yerlarda paxta qisqartirilishini taʼkidladi.
“Boʻlsa-boʻlmasa paxta ekaverish, uni arzon narxda xomashyo sifatida sotish – iqtisodiyotni tushunmaslik. Endi paxtani faqat rentabelligi bor joylarda ekamiz. Xudo xohlasa, ikki-uch yildan keyin bir kilo paxtamizni ham chetga sotmaymiz. Zamonaviy korxonalar tashkil etib, yurtimizda qayta ishlaymiz, qoʻshimcha qiymatli tayyor mahsulot qilib sotamiz” dedi Shavkat Mirziyoyev.
Sirdaryo viloyatida ham 20 ming gektar paxta maydoni qisqartirilishi, bu yerda anor, uzum, noʻxat, raps, soya, achchiq qalampir kabi xaridorgir meva-sabzavotlar ekilishi qayd etildi.
