Хўжанд шаҳрида сузиш бўйича Тожикистон мустақиллиги кунига бағишланган турнир якунига етди. Унда Тожикистон, Ўзбекистон, Қозоғистон, Туркманистон, Қирғизистон, Россия ва Беларусь каби мамлакат вакиллари иштирок этишди.
Мусобақанинг сўнгги куни спортчиларимиз учун омадли кечди.
Ўзбекистон терма жамоаси мусобақада умумжамоа ҳисобида биринчи ўринни эгаллади. Иккинчи ва учинчи ўринлар мос равишда Россия ва Беларусь терма жамоаси вакилларига насиб қилди.
