Xalqaro velosportchilar ittifoqining yangilangan jahon reytingi eʼlon qilindi. Eʼtiborlisi, yangi reytingda hamyurtimiz Yanina Kuskova oʻsmirlar oʻrtasida velotrekning ochkolar boʻyicha guruh poygasi yoʻnalishida uchinchi oʻringa koʻtarilib oldi. Bu haqda Milliy Olimpiya Qoʻmitasi xabar beradi.
17 yoshli sportchimiz hisobida ayni paytda 990 ochko mavjud. Bugun start olgan Osiyo kubogida ushbu yoʻnalishda sovrindorlar qatoridan joy oladigan boʻlsa, yanada yuqori oʻringa koʻtarilib olishi ham mumkin.
