11 yanvar kuni Prezident Shavkat Mirziyoyev raisligida Oʻzbekiston Respublikasi Tashqi ishlar vazirligi va mamlakatimizning xorijdagi elchixonalari faoliyati tahliliga bagʻishlangan videoselektor yigʻilishi boʻlib oʻtdi, deya xabar berilmoqda Prezident.uz saytida.
Unda yurtimizning xorijdagi diplomatik vakolatxonalari rahbarlari, Prezident devoni vakillari, hukumat aʼzolari, davlat va xoʻjalik boshqaruvi organlari rahbarlari, Tashqi ishlar vazirligi va mamlakatimizning boshqa vazirlik hamda idoralari rahbar xodimlari ishtirok etdi.
