Xabaringiz bor, Madaniyat vazirligi tashabbusiga asosan turk kinoijodkorlari bilan hamkorlikda “Mendirman Jaloliddin” tarixiy seriali suratga olinib, tomoshabinlar eʼtiboriga havola etilgan edi.
Ushbu serial nafaqat ikki davlat oʻrtasidagi madaniy aloqalar mustahkamlanishiga hissa qoʻshdi, balki har ikki tomon kinoijodkorlari uchun oʻzaro tajriba almashish maydoni boʻlib ham xizmat qildi.
Boshlangan ezgu ishni izchil davom ettirish maqsadida serialning ikkinchi mavsumi uchun kasting eʼlon qilingandi. Ayni paytda u yakunlanib, 21 may kunidan eʼtiboran suratga olish ishlariga start beriladi.
Albatta, “Mendirman Jaloliddin”ning ikkinchi mavsumi ham “Bozdag’ film” kinokompaniyasi tomonidan suratga olinadi va 13 seriyadan iborat boʻladi.
Istanbulda suratga olish ishlariga tayyorgarlik koʻrayotgan ijodiy jamoa tarkibida oʻzgarishlar koʻp. Xususan, ikkinchi mavsumda Mahliyoxon Asqaraliyeva, Joʻrabek Arziyev, Javohir Xoʻjayev va qator turk aktyor, aktrisalaridan iborat yangi chehralar namoyon boʻladi.
Serial ijodkorlariga muvaffaqiyat tilaymiz.
Manbaa: Madaniyat.uz rasmiy kanali
