Oʻzbekistonlik velosportchilar Birlashgan Arab Amirliklarida tashkil qilingan xalqaro musobaqada ishtirok etdilar.
Birlashgan Arab Amirliklarining terma jamoasi bilan oʻtkazilayotgan qoʻshma oʻquv-yigʻin mashgʻulotlari doirasida 2 fevral kuni oʻtkazilgan Xalqaro turnirda Oʻzbekiston velosiped sporti terma jamoasi sportchilari ishtirok etishdi.
Qizgʻin murosalarga boy kechgan poygada hamyurtimiz Semyon Sevastyanov birinchi bosqich poygasida belgilangan 100 km masofani birinchi boʻlib bosib oʻtdi hamda birinchi oʻrinni egalladi.
Maʼlumot uchun, Oʻzbekiston velosiped sporti terma jamoasi sportchilari hamda murabbiylari joriy yil 14 yanvar kuni BAA velosiped sporti federatsiyasi taklifiga koʻra qoʻshma oʻquv-yigʻin mashgʻulotlari oʻtkazishga joʻnab ketishgandi.
Oʻzbekiston Milliy olimpiya qoʻmitasi Matbuot xizmati
