Butun musulmon ummati uchun muqaddas boʻlgan, ezgulik, saxovat, insonparvarlik va hamjihatlik kabi olijanob qadriyatlarni oʻzida mujassam etgan, jamiyatda oʻzaro hurmat va bagʻrikenglikni mustahkamlashga xizmat qiluvchi Qurbon hayiti – Iyd al-Adho bayrami munosabati bilan Oʻzbekiston Respublikasi Prezidenti Shavkat Mirziyoyev nomiga xorijiy davlatlar va hukumatlar yetakchi xalqaro va mintaqaviy tashkilotlar rahbarlaridan, taniqli jamoat va din arboblaridan samimiy tabriklar kelmoqda, deya xabar beriladi prezident. uz rasmiy veb- saytida.
Qutlovlarda davlatimiz rahbari va Oʻzbekistonning koʻp millatli xalqiga hurmat-eʼtibor soʻzlari, tinchlik-osoyishtalik va ravnaq tilaklari izhor etilgan hamda doʻstlik va koʻp qirrali hamkorlikni bundan buyon ham har tomonlama mustahkamlashga qatʼiy intilish bildirilgan.
Jumladan, quyidagilar oʻz tabriklarini yoʻllagan:
Ikki Muqaddas Masjid xodimi, Saudiya Arabistoni Podshohi Salmon ibn Abdulaziz Ol Saud;
Saudiya Arabistoni Valiahdi, Vazirlar Kengashi Raisi Muhammad ibn Salmon ibn Abdulaziz Ol Saud;
Turkiya Respublikasi Prezidenti Rejep Tayyip Erdogʻan;
Misr Arab Respublikasi Prezidenti Abdulfattoh as-Sisi;
Qozogʻiston Respublikasi Prezidenti Qasim-Jomart Toqayev;
Qirgʻiz Respublikasi Prezidenti Sadir Japarov;
Tojikiston Respublikasi Prezidenti Emomali Rahmon;
Turkmaniston Prezidenti Serdar Berdimuhamedov;
Turkman xalqining milliy yetakchisi, Turkmaniston Xalq Maslahati Raisi Gurbanguli Berdimuhamedov;
Ozarbayjon Respublikasi Prezidenti Ilhom Aliyev;
Birlashgan Arab Amirliklari Prezidenti Shayx Muhammad bin Zoid Ol Nahayon;
Birlashgan Arab Amirliklari Vitse-prezidenti, Bosh vaziri, Dubay amirligi hokimi Shayx Muhammad bin Roshid Ol Maktum;
Birlashgan Arab Amirliklari Vitse-prezidenti, Bosh vaziri oʻrinbosari, Prezident ishlari boʻyicha vaziri Shayx Mansur bin Zoid Ol Nahayon;
Birlashgan Arab Amirliklari Bosh vaziri oʻrinbosari, ichki ishlar vaziri Shayx Sayf bin Zoid Ol Nahayon;
Saudiya Arabistoni davlat vaziri, Vazirlar Kengashi aʼzosi Turki bin Muhammad bin Fahd bin Abdulaziz Ol Saud;
Kuvayt Davlati Amiri Shayx Mishʼal al-Ahmad al-Jobir as-Saboh;
Kuvayt Davlati Valiahdi Saboh Holid al-Hamad al-Muborak as-Saboh;
Iordaniya Hoshimiylar Podshohligi Podshohi Abdulla II;
Marokash Podshohi Muhammad VI;
Jazoir Xalq Demokratik Respublikasi Prezidenti Abdulmajid Tebbun;
Falastin Davlati Prezidenti Mahmud Abbos;
Turkiy davlatlar tashkiloti bosh kotibi Kubanichbek Omuraliyev;
Iqtisodiy hamkorlik tashkiloti bosh kotibi Husrav Noziriy;
Islom hamkorlik tashkiloti bosh kotibi Husayn Ibrohim Toha;
Kavkaz musulmonlari idorasi raisi shayxulislom Ollohshukur Poshshozoda.
Qutlovlar kelishi davom etmoqda.
