Oʻzbekiston Xotin-qizlar qoʻmitasi vakillari “Ozodlik” radiosi orqali qoʻyilgan “Hech narsaga qiziqish yoʻq, onam yashasalar boʻldi…” mavzusidagi maqola yuzasidan Sitora va Nozima yashaydigan xonadonga borib, muammoni atroflicha oʻrgandi, deb yoziladi Xotin-qizlar qoʻmitasining Facebookdagi sahifasida.
Qoʻmitaning tekshiruvlariga koʻra, bu qizlarning onasi haqiqatan ham saraton kasalligiga chalingan. Hozir Tibbiyot akademiyasida navbatdagi davo muolajasini olmoqda. Qoʻmita davolanish uchun dori-darmonlarini oʻz vaqtida yetkazilib berilishini nazoratga olgan.
Sitora va Nozim tezlik bilan yozgi-qishki kiyim-kechak bilan taʼminlanib, taʼtildan soʻng maktabga oʻz vaqtida toʻliq talim olish uchun sharoitlar yaratildi.
Xonadonning tabiiy gazdan qarzdorligi saxovatpesha insonlar tomonidan toʻlab berildi. Qizlar hozir buvisi qaramogʻida.
