Bugun Tojikistonda Yanina Kuskova Osiyo chempionatidagi uchinchi medalini qoʻlga kiritdi.
Veloshosse boʻyicha Osiyo chempionatining eng qiziqarli dasturi – kattalar va 23 yoshgacha boʻlgan sportchilar oʻrtasidagi guruh poygasida ham yurtdoshlarimiz shoxsupaga koʻtarilishdi.
Yanina Kuskova 23 yoshgacha boʻlgan qizlar bahsida 111 km masofadagi poygada bronza medalni qoʻlga kiritdi. Hamyurtimiz 11 km masofani 3:11:37 vaqtda bosib oʻtdi.
Ushbu dasturdagi oltin va kumush medallar qozogʻistonlik sportchilar Akpelil Ossim hamda Svetlana Pashenkoga nasib etdi. Shuningdek, mazkur bahslarda Yaninaning singlisi Anna toʻrtinchi, Shahnoza Abdullayeva yettinchi boʻlib marraga yetib keldi.
J. SAʼDULLAYEV tayyorladi.
