Rossiyaning Yaroslavl shahrida short-trek boʻyicha 22-24 noyabr kunlari oʻtkazilgan “Yosh yuguruvchi” xalqaro musobaqasida hamyurtimiz Alimardon Mahmudov ikki yoʻnalishda muvaffaqiyat qozondi.
Yosh sportchimiz dastlab 333 metr masofaga kechgan bahsda barcha raqiblarini ortda qoldirishga erishdi. Keyingi – 500 metrga kechgan yoʻnalishda ham tengsiz boʻldi. Shu tariqa, yosh short-trekchimiz ikki yoʻnalish gʻolibiga aylanib, yurtimiz sharafini munosib himoya qildi.
Albatta, bu mamlakatimizda bolalar sportiga berilayotgan katta eʼtiborning samarasi, desak arziydi.
Suratda: Alimardon Mahmudov (oʻrtada)
J. SAʼDULLAYEV tayyorladi.
