Ot sportining konkur yoʻnalishi boʻyicha Oʻzbekiston terma jamoasi aʼzosi Xurshidbek Alimjonovning Rossiyadagi muvaffaqiyatli ishtiroki davom etmoqda.
Yurtdoshimiz 140 sm balandlikdan iborat toʻsiqlardan sakrash yoʻnalishida bronza medaliga sazovor boʻldi. Doimgidek, Alimjonovga musobaqada “ Champions League” laqabli tulpori hamrohlik qildi.
Hamyurtimiz bu gal “Maxima Master 2023” musobaqasining Gran-pri dasturida shohsupaga koʻtarildi.
