Fransiya poytaxti Parij shahrida dzyudo boʻyicha harbiylar oʻrtasida jahon chempionati oʻz yakuniga yetdi. Soʻnggi jamoaviy bellashuvlarda sportchilarimiz shohsupaga koʻtarilishdi.
Chorak finalda Braziliyadan ustun kelgan polvonlarimiz yarim finalda avstriyalik raqiblariga kichik hisobda imkoniyatni boy berib qoʻyishdi. Bronza medali uchun kechgan bellashuvda Eron jamoasi magʻlub etildi.
Afsuski, qizlarimiz uchinchi oʻrin uchun bahsda avstriyalik raqibalariga imkoniyatni boy berib qoʻydilar. Qayd etish joiz, qizlarimiz 5 oʻringa moʻljallangan bahsda 3 sportchi bilan yurtimiz sharafini himoya qildilar. Bu esa foydalanilmagan 2 oʻrinda raqibga ustunlik beradi. Shunday boʻlsa ham, ular bronza medali uchun kurashish bosqichigacha yetib kelishdi.
Dzyudochilarimiz yakkalik bellashuvlarda esa 4 ta oltin va 1 ta bronza medallarini qoʻlga kiritishgan edi.
Umuman 40-jahon chempionatida sportchilarimiz muvaffaqiyatli qatnashishdi.
gujum.uz
