Мактабгача таълим муассасаларида озиқ-овқат маҳсулотлари ва таомлар сифатини ўрганиш бўйича бракераж комиссияси ташкил этилади.
Мазкур комиссия ошхонага қабул қилинадиган озиқ-овқат маҳсулотлари ва тайёрланаётган таомлар сифатини доимий ўрганиб боради. Ўрганиш натижалари алоҳида юритиладиган бракераж дафтарларида қайд этилади.
Мактабгача таълим ташкилоти ҳамшираси бракераж комиссиясининг раиси бўлиб, қуйидагилар комиссия аъзолари ҳисобланади: тарбиячи; ошпаз; ташкилот касаба уюшмаси қўмитаси раиси; тарбияланувчиларнинг ота-оналари ёки уларнинг ўрнини босувчи шахслар вакиллари.
Ушбу тартиб Ўзбекистон Республикаси Президентининг «Мактабгача таълим тизимини тубдан такомиллаштириш чора-тадбирлари тўғрисида» 2017 йил 9 сентябрдаги ПҚ-3261-сон, Вазирлар Маҳкамасининг 2019 йил 25 июлдаги 626-сон ва Ўзбекистон Республикаси Вазирлар Маҳкамасининг 2021 йил 20 майдаги 320-сонли қарорларига асосланади.
Ота-оналар ўз ҳуқуқларингизни билинг ва фарзандларингизнинг тақдирига бефарқ бўлманг.
Умида Раҳмонова, Олий Мажлис Қонунчилик палатаси депутати
