Savol: Uy-joy olishda kimlarga imtiyoz beriladi?
Javob: Umumiy tarzda uy-joy faqat auksiondan sotib olinadi. Imtiyoz quyidagi fuqarolarga beriladi:
Yakka tartibda uy-joy qurish uchun 0,04 gektargacha va ushbu hajm doirasidagi yer uchastkalari auksionsiz (https://lex.uz/docs/4597630#4598101): Halok boʻlgan harbiy xizmatchilar oilalariga; tabiiy va texnogen xususiyatli favqulodda vaziyatlar oqibatida turar joyini yoʻqotgan jabrlangan shaxslarga; davlat va xususiy uy-joy fondidagi oʻzlari egallab turgan uy-joyni tuman (shahar) hokimliklariga oʻtkazayotgan fuqarolar va mulkdorlarga beriladi.
Yer uchastkasini berish boʻyicha imtiyozlar bir oilaga bir marta (mulkdorning nomiga) beriladi va oilaning boshqa aʼzolariga tatbiq etilmaydi. Yaʼni, bir uyda bir-nechta oila yashasa ularning faqat bittasiga beriladi
Ravshan SAʼDULLAYEV, Toshkent shahar Mirobod tuman huquqiy maslahat byurosi bosh mutaxassisi
