АҚШдаги ўйинчоқлар ишлаб чиқарувчи “Маттел” компанияси ҳижобдаги барби қўғирчоқлар ишлаб чиқара бошлади, деб хабар беради Euronews ахборот хизмати. Барби қўғирчоқларига бундай қиёфа тарихда биринчи марта Олимпия мусобақаларида ҳижобда иштирок этган америкалик спортсмен Ибтиҳаж Муҳаммад томонидан тақдим этилди.
«Мен кўп маротаба ўзимни жамиятда бегонадай ҳис қилганман. “Маттел» компаниясини дунёнинг хилма-хил ва ранг-баранглигига мос равишда ҳижобдаги қўғирчоқларни ишлаб чиқара бошлаганидан миннатдорман. Бу инқилобдир», дейди Ибтиҳаж Муҳаммад.
