Amerikaning «Time» jurnali 2022 yilning «Dunyodagi eng zoʻr joylar» roʻyxatini taqdim etdi. Unda jami 50 ta joy tanlab olingan, jumladan Oʻzbekiston ham.
«Time» nashrida joriy yilning kuzida Samarqandda 640 gektarli «Ipak yoʻli» majmuasi ochilishi eʼtirof etilgan. Majmua tarkibiga jahonning yetakchi mehmonxonalari roʻyxatiga kiritilgan 22 qavatli «Samarkand Regency Amir Temur» va yana yettita mehmonxona kiradi. Shu yilning kuzida Oʻzbekistonda birinchi «Ipak yoʻli» adabiy festivali ham boʻlib oʻtadi.
Bundan tashqari, jurnal yapon meʼmori Tadao Ando rahbarligida Toshkentdagi Davlat sanʼat muzeyi faoliyatini kengaytirishga eʼtibor qaratgan.
