2020 yilda ogʻir davr boʻlishiga qaramasdan Oʻzbekistonga 1 mln 504 ming turist keldi, ularga 261 mln dollarlik xizmat koʻrsatildi.
Bu haqda AOKAdagi brifingda Bosh vazir oʻrinbosari Aziz Abduhakimov maʼlum qildi:
«Koronavirus pandemiyasi tufayli yuz bergan global inqiroz natijasida mamlakatimiz turizmi eng jiddiy zarar koʻrgan sohalardan biri boʻldi. 2020 yilda jami 1 mln 504 ming turist tashrif buyurdi. Bunda 261 million AQSH dollari miqdorida turizm xizmatini koʻrsatdik.
2021 yilda barcha ishlarni umumiy raqamlar orqali emas, aniq rejalar va reysma-reys yoʻnalish boʻyicha batafsil hisob-kitob asosida amalga oshirmoqchimiz, ziyorat turizmiga koʻproq eʼtibor qaratmoqchimiz.
2021 yilda Oʻzbekistonga 1 mln 700 ming nafar xorijiy sayyoh tashrifini taʼminlash boʻyicha reja qilingan. Buning evaziga turizm xizmatlari eksporti 370 mln dollarga yetkaziladi».
