Fudan va Shanxay universitetlari olimlari tomonidan olib borilgan tadqiqotlar, xitoylik hattotlar ming yillar davomida foydalanib kelgan “Hu-Kaiwen” siyohi saraton hujayralarini nobud qilishi mumkinligidan dalolat bermoqda, deb yozadi “The Deccan Chronicle” nashri
Siyoh bilan davolashda fototermik terapiya usulidan foydalaniladi. Yaʼni, bu modda nanooʻlchamda saraton hujayrasiga kiritiladi va u toʻplanib, maʼlum miqdorgacha yetkaziladi. Soʻng lazer yordamida ushbu kiritilgan modda qizdiriladi. natijada esa zararli hujayra nobud boʻladi. Siyoh lazer yordamida qizdirilganda 55 darajaga koʻtarilgan. Bu qoʻllanilishi mumkin boʻlgan boshqa nanomoddalar koʻrsatkichidan ancha yuqori.
Fototermik davolash usulida boshqa nanomoddalardan foydalanish ham mumkin. Biroq, ular zaharli, qimmat yoki ajratib olinishi murakkabligi bilan qiyinchilik tugʻdiradi. Shuningdek, ayni vaqtda “Hu – Kaiwen” siyohidan xavfli oʻsmalarni davolashda qoʻllash uchun sichqonlarda tajriba oʻtkazilmoqda.
