Намангандаги анъанавий гуллар байрами бахонасида курсдош дугоналар 44 йилдан кейин учрашиб роса хурсанд бўлдик.
Биз курсдошлар 1974 – 1979 йилларда Тошкент давлат университетининг (хозирги Миллий Университет) математика факультетида таҳсил олганмиз.
Наманган шаҳрида ўтказилган 62 – гуллар фестивалини томоша килиб, бир олам завқ-шавқ олдик, ҳам курсдош дугоналар учрашиб, ёшлик дамларни эслаб дилдан суҳбатлашдик. Аллохим, Ватанимизнинг гўзаллигига, тинчлигига кўз тегмасин, дея дуолар қилиб алқадик.
Айникса, Урганч – Андижон поездининг йўлга қўйилганлиги, Наманган шахридан ўтиши янада халқимиз учун қулайлик бўлибди. Хоразмлик пенсионерлар учун эса поезд чиптаси олишдаги имтиёзларнинг борлиги бизни янада кувонтирди. Аллоҳим, юртимизнинг гўзаллигига, тинчлигига, бўлаётган улуғвор ўзгаришларга кўз тегмасин.
Жумагул РЎЗМЕТОВА, GUJUM.UZ нинг жамоатчи мухбири
