Umringiz uzoq bo‘lishini istaysizmi? Bu qiziq!

0
259
marta ko‘rilgan.

Shvetsiyada olib borilgan tadqiqot natijalariga ko‘ra, it boqish yurak va qon-tomir kasalliklarining oldini olib, o‘lim xavfini kamaytiradi, deb xabar beradi CNN axborot xizmati.
Aniqlanishicha , it boqmaydigan yolg‘iz yashaydigan kishilarga nisbatan it boqadigan yolg‘iz yashovchi odamlarda o‘lim xavfi 33, yurak va qon-tomir kasalliklari bilan bog‘liq o‘lim xavfi 36, yurak huruji esa 11 foizga kamayar ekan.
Ko‘pchilik bilan yashovchi kishilar uchun ham it boqish foydadan xoli emas ekan. Ko‘pchilik bilan yashovchi it boqmaydigan kishilarga nisbatan ko‘pchilik bilan yashovchi it boqadigan kishilar o‘rtasida o‘lim xavfi 11, yurak va qon-tomir bilan bog‘liq o‘lim xavfi 15 foizga pasayar ekan. Ammo, ko‘pchilik bilan istiqomat qiluvchi kishilarga it boqish yoki boqmaslik omili yurak xuruji xavfini kamayishi yoki ko‘paymasligiga ta’sir ko‘rsatmasligi ma’lum bo‘lgan.
Tadqiqotda 40 yoshdan 80 yoshgacha bo‘lgan 3,4 million shvetsiyalik aholining 12 yil davomidagi turmush tarzi o‘rganilib, shunday xulosaga kelingan.
It bilan muloqotda bo‘lish kishidagi tushkunlik kayfiyatini yo‘qotib, ruhiy olamini yaxshilaydi. Itni toza havoga sayrga olib chiqish, yuvintirish, oziqlantirish kabi jismoniy harakatni talab qiluvchi parvarish qilish bilan bog‘liq mehnat esa kishining jismoniy holatiga ijobiy ta’sir ko‘rsatadi va oxir-oqibat bularning barchasi yurak va qon-tomir faoliyati yaxshilanishiga olib keladi.

Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.