Jahon sogʻliqni saqlash tashkilotining bergan maʼlumotlariga koʻra hozirgi kunda yiliga saraton bilan kasallanish dunyo boʻyicha 10 million kishini tashkil qilar ekan.
Shundan ularning 70 foizga yaqini shu yilning oʻzida davo muolajalariga qaramasdan xayotdan koʻz yumar ekan. Bu koʻrsatkich 2020 yilga kelib 2 marta, 2030 yilga kelib 3 marta oshishi kutilmokda.
Hozirgi kunda dunyo boʻyicha eng koʻp kasallanish 1-chi oʻrinda oʻpka saratoniga toʻgʻri keladi. Yaʼni, yiliga 1,5 mln. kishi, shundan shu yilning oʻzida davolash muolajalariga qaramasdan 1,3 million bemor vafot qiladi.
Ikkinchi oʻrinda sut bezi saratoni turadi, yaʼni yiliga 1,15 million ayol kasallanar va shundan 600 ming bemor bir yil ichida davolash muolajalariga qaramasdan vafot qiladi. Uchinchi oʻrinda bachadon boʻyni va keyingi oʻrinlarda yoʻgʻon ichak, meʼda, jigar, prostata bezi xavfli oʻsma kasalliklari turadi.
Matniyaz MATNIYAZOV, tibbiyot fanlari nomzodi, oliy toifali shifokor, Xorazm viloyati
