Butunjahon Sogʻliqni Saqlash Tashkilotining yangi olingan maʼlumotlariga koʻra, yer yuzida oʻrtacha 2,2 milliard kishi toza ichimlik suvi bilan taʼminlanmagan.
2000 yildan beri toza ichimlik suvi bilan taʼminlangan kishilar soni 1.8 milliardga oshgan. Suv bilan taʼminlash xizmatining barchasi ham gigiyena darajasiga toʻgʻri kelavermaydi.
Qishloq joylarida esa har oʻntadan 8 kishi toza ichimlik suvi bilan taʼminlanish xizmatiga ega emas.
Dunyoda har yili 5 yoshdan kichik boʻlgan oʻrtacha 297 ming bola tozalanmagan ichimlik suvi isteʼmol qilgani yoki ana shunday suv bilan qoʻl yuvishi natijasida diareya kasalligiga uchrab vafot etmoqda.
