Ўзбекистон Президенти Туркия Президенти билан телефон орқали мулоқот қилди

0
194
марта кўрилган.

6 февраль куни Ўзбекистон Республикаси Президенти Шавкат Мирзиёевнинг Туркия Республикаси Президенти Режеп Таййип Эрдоған билан телефон орқали мулоқоти бўлиб ўтди, дея хабар берилади prezident. uz расмий веб- сайтида.

Давлатимиз раҳбари  Туркиянинг жануби-шарқий вилоятларида рўй берган кучли зилзила оқибатида кўплаб инсонлар қурбон бўлгани ва катта талафотлар кўрилгани муносабати билан чуқур ҳамдардлик изҳор этди. Биродар Туркия халқига, вафот этганлар ва жабрланганларнинг оилалари ва яқинларига далда сўзлари билдирилди.

Табиий офат оқибатларини бартараф этиш мақсадида амалий ҳамкорлик масалалари муҳокама қилинди. 7 февраль куни Ўзбекистондан Туркияга гуманитар ёрдам ва қутқарувчилар гуруҳи жўнатилиши режалаштирилган.

Икки томонлама кун тартиби ва минтақавий ҳамкорликнинг долзарб жиҳатлари юзасидан ҳам фикр алмашилди.

Таҳририятдан эслатма: Туркия бир куннинг ўзида устма-уст иккита қақшатқич зилзилага саҳна бўлди. Туркия ва Суриядаги  зилзила натижасида юзлаб одам ҳалок бўлди, яна минглаб кишини яраланди. Туркияда зилзила қурбонларининг сони ҳозирга келиб 2 минг кишига етиб қолган. Туркияда ўзбекистонликлар  кўп, бироқ, жабрланганлар йўқлиги таъкидланмоқда.

Фран-Пресс ахборот агентлигининг хабар беришича, Сурияда қурбонларга оид сўнгги рақамлар 800 дан ошди. Янги маълумотлар билан ҳар икки давлатда қурбон бўлганларнинг умумий сони 2300 дан зиёдроқни ташкил этмоқда. Мамлакат жануби ва жануби-шарқини ўз забтига олган устма-уст ер силкиниши ортидан, 10 мингга яқин инсоннинг тан жароҳати олгани маълум бўлган.

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.