BAAning Al Ayn shahrida 27-28-dekabr kunlari ot sportining konkur turi boʻyicha SSIZ*-W tasnifidagi xalqaro musobaqa boʻlib oʻtdi.
Unda ishtirok etgan Oʻzbekiston terma jamoasi aʼzosi Bekzod Qurbonov shohsupaga koʻtarildi. Hamyurtimiz 135 sm balandlikdagi toʻsiqlardan sakrash dasturida “Santos Hippica” laqabli tulpori bilan ikkinchi natijani qayd etdi va kumush medalga sazovor boʻldi.
Yana bir chavandozimiz Abdurahmon Abdullayev 145 smli toʻsiqlardan sakrash yoʻnalishida kechgan bellashuvda “Caballona” tulpori bilan oltinchi oʻrinni egalladi.
GUJUM.UZ
