Болаларни уларнинг соғлигига зарар етказувчи ахборотдан ҳимоя қилиш – ҳар бир оиланинг, маҳалланинг  бурчи

0
240
марта кўрилган.

Тошкент шаҳри Шайхонтоҳур тумани ҳокимияти мажлислар залида Тошкент шаҳар  «Соғлом она ва бола» аёллар ва ёшлар марказининг Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди  лойиҳаси асосида ”Оила маданияти- юрт тинчлиги” мавзуидаги “Салоҳият” кўчма клубининг навбатдаги тадбири 2017 йил 19 декабрь куни соат 10.00да  бўлиб ўтди.

Тадбирда туман маҳаллаларининг хотин- қизлар қўмиталари раисалари, маҳалла маслаҳатчилари жами етмишга яқин киши қатнашди. Тадбирни туман ҳокими ўринбосари, хотин қизлар қўмитаси раиси Сурайё Насимовна Пўлатова қисқача кириш сўзи билан очиб, маърузачилар билан таништирди.

«Соғлом она ва бола» аёллар ва ёшлар маркази раҳбари, Республикада хизмат кўрсатган журналист Раъно Зарипова Ўзбекистон Республикаси Конституциясига бағишланган тантанали маросимда мамлакатимиз Президенти Шавкат Мирзиёев нутқида айтилган муҳим ва улуғвор ислоҳотларнинг моҳиятини шарҳлаб берди.  Жумладан, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси моҳиятига кўра, жамият ҳаётининг барча соҳаларидаги тизимли ислоҳотларнинг “йўл харитаси”га айланганлиги, ҳаракатлар стратегияси ижроси доирасида шу йилнинг ўзида 20 дан ортиқ қонун ва 700 дан зиёд қонуности ҳужжатлари қабул қилинганлиги, халқ билан мулоқот ва инсон манфаатлари йили, деб эълон қилинган 2017 йилда “Инсон манфаатлари ҳамма нарсадан улуғ” деган ғоя асосида катта ишлар амалга оширилганлигини гапирди.

 Тошкент шаҳрида туманлар даражасида халқ депутатлари кенгашлари таъсис этилганлиги, пойтахт аҳолиси ҳам энди ўз вакиллари – депутатлар орқали туманларни бошқаришда иштирок этиш имкониятига эга бўлганлигини таъкидлади.

Шунингдек, Мамлакатимиз президенти томонидан  8 сентябрда имзоланган “Болаларни уларнинг соғлигига зарар етказувчи ахборотдан ҳимоя қилиш тўғрисида”ги Қонуннинг мазмун-моҳияти билан таништирди. Ушбу ҳужжатнинг асосий мақсади  болаларимизни уларнинг соғлигига зарар етказувчи ахборотлардан ҳимоя қилиш соҳасидаги муносабатларни тартибга солишдан иборат бўлиб, унда давлат органларининг ушбу соҳадаги ваколатлари, бу фаолиятда фуқаролик жамияти институтлари иштирокининг механизмлари аниқ белгиланганлиги тўғрисида гапирди. Шунингдек, бу Қонун ҳар бир маҳаллага, оилага, ота-она, бува-бувига катта масъулият юклашини таъкидлади.

Маъруза охирида ҳуқуқий мавзуда очиқ мулоқот бўлиб, ҳуқуқий саволларга атрофлича жавоб берганларга  ўзининг ва оиласининг муаллифлик китобларидан оила даврасида ўқиш учун “Қисаси Рабғузий”, “Тафаккур ва тассавур” “Ҳарорат” каби китоларни  армуғон қилди.

Иккинчи йўналиш анъанага кўра, оилаларнинг мутолаа маданиятини юксалтиришга бағишланди. Унда Ўзбекистон Давлат жаҳон тиллари ўқитувчиси, қишлоқ хўжалиги фанлари доктори, профессор Дилором Ёрматова маъруза қилди. У инсон маънавиятининг юксалишида китобнинг ўрни ва аҳамияти ҳақида гапирди. Очиқ мулоқотда фаол қатнашганларга ва туман “Маҳалла”фондига  ўз ижодидан 8та китобни совға қилди.

Тадбирда марказнинг ҳамкорлари бўлган ОАВлари – “Ғунча”(7та) ҳамда “Гулхан”(7та) журналларидан ва “Соғлом авлод” газетаси(20та), “Класс” газетаси(5та), “Тонг юлдузи”  газетасидан(25та) йиғилиш қатнашчиларига фарзанду неваралар билан бирга мутола қилиш учун армуғон этилди.                                                                                                                                                                                                                                                                                                                                                                                                                                                                                                                                                                                                       Ж. Саъдуллаев тайёрлади.                                                                                                                                                                                                                                                                                                                                                                                                                                                                                                                                                                                                                                                       

 

 

 

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.