Bolalarni ularning sogʻligiga zarar yetkazuvchi axborotdan himoya qilish – har bir oilaning, mahallaning  burchi

0
418
marta koʻrilgan.

Toshkent shahri Shayxontohur tumani hokimiyati majlislar zalida Toshkent shahar  «Sogʻlom ona va bola» ayollar va yoshlar markazining Oʻzbekiston Respublikasi Oliy Majlisi huzuridagi nodavlat notijorat tashkilotlari va fuqarolik jamiyatining boshqa institutlarini qoʻllab-quvvatlash Jamoat fondi  loyihasi asosida ”Oila madaniyati- yurt tinchligi” mavzuidagi “Salohiyat” koʻchma klubining navbatdagi tadbiri 2017 yil 19 dekabr kuni soat 10.00da  boʻlib oʻtdi.

Tadbirda tuman mahallalarining xotin- qizlar qoʻmitalari raisalari, mahalla maslahatchilari jami yetmishga yaqin kishi qatnashdi. Tadbirni tuman hokimi oʻrinbosari, xotin qizlar qoʻmitasi raisi Surayyo Nasimovna Poʻlatova qisqacha kirish soʻzi bilan ochib, maʼruzachilar bilan tanishtirdi.

«Sogʻlom ona va bola» ayollar va yoshlar markazi rahbari, Respublikada xizmat koʻrsatgan jurnalist Raʼno Zaripova Oʻzbekiston Respublikasi Konstitutsiyasiga bagʻishlangan tantanali marosimda mamlakatimiz Prezidenti Shavkat Mirziyoyev nutqida aytilgan muhim va ulugʻvor islohotlarning mohiyatini sharhlab berdi.  Jumladan, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi mohiyatiga koʻra, jamiyat hayotining barcha sohalaridagi tizimli islohotlarning “yoʻl xaritasi”ga aylanganligi, harakatlar strategiyasi ijrosi doirasida shu yilning oʻzida 20 dan ortiq qonun va 700 dan ziyod qonunosti hujjatlari qabul qilinganligi, xalq bilan muloqot va inson manfaatlari yili, deb eʼlon qilingan 2017 yilda “Inson manfaatlari hamma narsadan ulugʻ” degan gʻoya asosida katta ishlar amalga oshirilganligini gapirdi.

 Toshkent shahrida tumanlar darajasida xalq deputatlari kengashlari taʼsis etilganligi, poytaxt aholisi ham endi oʻz vakillari – deputatlar orqali tumanlarni boshqarishda ishtirok etish imkoniyatiga ega boʻlganligini taʼkidladi.

Shuningdek, Mamlakatimiz prezidenti tomonidan  8 sentyabrda imzolangan “Bolalarni ularning sogʻligiga zarar yetkazuvchi axborotdan himoya qilish toʻgʻrisida”gi Qonunning mazmun-mohiyati bilan tanishtirdi. Ushbu hujjatning asosiy maqsadi  bolalarimizni ularning sogʻligiga zarar yetkazuvchi axborotlardan himoya qilish sohasidagi munosabatlarni tartibga solishdan iborat boʻlib, unda davlat organlarining ushbu sohadagi vakolatlari, bu faoliyatda fuqarolik jamiyati institutlari ishtirokining mexanizmlari aniq belgilanganligi toʻgʻrisida gapirdi. Shuningdek, bu Qonun har bir mahallaga, oilaga, ota-ona, buva-buviga katta masʼuliyat yuklashini taʼkidladi.

Maʼruza oxirida huquqiy mavzuda ochiq muloqot boʻlib, huquqiy savollarga atroflicha javob berganlarga  oʻzining va oilasining mualliflik kitoblaridan oila davrasida oʻqish uchun «Qisasi Rabgʻuziy», «Tafakkur va tassavur» «Harorat» kabi kitolarni  armugʻon qildi.

Ikkinchi yoʻnalish anʼanaga koʻra, oilalarning mutolaa madaniyatini yuksaltirishga bagʻishlandi. Unda Oʻzbekiston Davlat jahon tillari oʻqituvchisi, qishloq xoʻjaligi fanlari doktori, professor Dilorom Yormatova maʼruza qildi. U inson maʼnaviyatining yuksalishida kitobning oʻrni va ahamiyati haqida gapirdi. Ochiq muloqotda faol qatnashganlarga va tuman “Mahalla”fondiga  oʻz ijodidan 8ta kitobni sovgʻa qildi.

Tadbirda markazning hamkorlari boʻlgan OAVlari — “Gʻuncha”(7ta) hamda “Gulxan”(7ta) jurnallaridan va “Sogʻlom avlod” gazetasi(20ta), “Klass” gazetasi(5ta), “Tong yulduzi”  gazetasidan(25ta) yigʻilish qatnashchilariga farzandu nevaralar bilan birga mutola qilish uchun armugʻon etildi.                                                                                                                                                                                                                                                                                                                                                                                                                                                                                                                                                                                                       J. Saʼdullayev tayyorladi.                                                                                                                                                                                                                                                                                                                                                                                                                                                                                                                                                                                                                                                       

 

 

 

Yoyish

MULOHAZA BILDIRISH

Mulohaza kiritilmadi!
Ismi sharifingizni kiriting.