Инсон манфаатлари ҳамма нарсадан улуғ

0
340
марта кўрилган.

Тошкент шаҳри Яккасарой туманининг Ю.Ражабий номидаги маҳалласида   «Соғлом она ва бола» аёллар ва ёшлар марказининг Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди  лойиҳаси асосида ”Оила маданияти- юрт тинчлиги” мавзуидаги “Салоҳият” кўчма клубининг навбатдаги тадбири 2017 йил 14 декабрь куни соат 16.00да  бўлиб ўтди.

Тадбир Тошкент шаҳар «Bilim» ахборот-кутубхона маркази билан ҳамкорликда ўтказилди. Маҳалла раҳбари Адҳам Зоҳидов  тадбирни очиб, кун тартиби ва маърузачилар билан таништирди.

Олий Мажлис Қонунчилик палатасининг иккинчи Чақириқида депутат бўлиб сайланиб фаолият юритган, айни кунда  Тошкент шаҳар «Bilim» ахборот-кутубхона маркази директори Ҳофизахон Каримова асосий қонунимиз-Ўзбекистон Республикаси Конституциясининг– халқимиз ҳамда юртимизнинг бугуни ва келажагининг ифодаси эканлиги. шу боис ҳам мамлакатимизда Бош Қомусимиз қабул қилинган кунга бағишланган тантанали маросим ўтказилиши яхши анъанага айланганлигини гапириб, бу йилги тантанали маросимда мамлакатимиз Президенти Шавкат Мирзиёев нутқида айтилган муҳим ва улуғвор ислоҳотларнинг моҳиятини шарҳлаб берди.

 Жумладан, пойтахтимиз Тошкент шаҳрида туманлар даражасида халқ депутатлари кенгашлари таъсис этилганлиги, бу борада адолатни тиклаб, Конституциямизга тегишли ўзгартиришлар киритилганлиги, Тошкент шаҳри аҳолиси ҳам энди ўз вакиллари – депутатлар орқали туманларни бошқаришда иштирок этиш имкониятига эга бўлганлигини таъкидлади.

Шунингдек, Ҳаракатлар стратегияси ижроси доирасида шу йилнинг ўзида 20 дан ортиқ қонун ва 700 дан зиёд қонуности ҳужжатлари қабул қилинганлиги, Халқ билан мулоқот ва инсон манфаатлари йили, деб эълон қилинган 2017 йилда “Инсон манфаатлари ҳамма нарсадан улуғ” деган ғоя асосида катта ишлар амалга оширилганлигини бир-бир гапириб берди. Шунингдек, у  Конституциямиз мазмун-моҳияти шарҳланган буклетни тингловчиларга оила даврасида ўқишлари учун тарқатди.

Тошкент шаҳар «Билим» кутубхонаси маркази номидан ёш шоиралар Г.Матёқубова, Зебо Мирзаева, М Норматоваларнинг “Меҳр риштаси”, “Денгиз-у уммон оша”, “Шукрона” китобларидан 12 тасини маҳалла кутубхонасига совға қилди.

Иккинчи йўналиш анъанага кўра, оилаларнинг мутолаа маданиятини юксалтиришга бағишланди. Тошкент шаҳар «Соғлом она ва бола» аёллар ва ёшларни қўллаб қувватлаш маркази директори, Республикада хизмат кўрсатган журналист Раъно Зарипова мутоланинг инсон маънавиятининг юксалишидаги аҳамияти ҳақида гапирди.

Тадбирда Раъно Зарипова «Тафаккур қаноти» нашриёти армуғон қилган 4 та, Камалак” нашриёти армуғон қилган  5та китобни ва ўзининг шахсий кутубхонасидан 8та китобни   маҳалла  кутубхонасига совға қилди.

 Шунингдек, тадбирда марказнинг ҳамкорлари бўлган ОАВлари – “Ғунча”(5та) ҳамда “Гулхан”(5та) журналларидан ва “Соғлом авлод” газетаси(12та), “Класс” газетаси(5та), “Тонг юлдузи”  газетасидан(20та) йиғилиш қатнашчиларига армуғон этилди.     Оила даврасида ўқиш, болаларни     мутола     маданиятига ўргатишда  ҳамиша уйингизга беминнат кириб борадиган газета –журналларнинг аҳамияти беқиёс эканлигини тушинтирди. Тадбир қизғин ва савол- жавобларга бой тарзда ўтди.                                                                                                                                                                     

                                                                                                                                                                                                                                                                     

  Ж . Cаъдуллаев  тайёрлади.                                                                                                                                                                                                                                                                                                                                                                                                                                                                                                                                                                                                    

 

 

 

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.