Men, Kenjayeva Laylo poytaxtimizdagi 283- maktabning 4-«A» sinfida oʻqiyman. Karantin davrida oʻqigan kitoblarim orasida Xudoyberdi Toʻxtaboyevning «Quyonlar saltanati» kitobi menga yoqdi.
Asar qahramonlari boʻlgan ikki bolakayning orzulari, fikr- oʻylari, intilishlari meni qiziqtirib qoʻydi. Baʼzi tengdoshlarimga oʻrnak boʻladigan asar ekan. Toʻgʻrisoʻzlilik, doʻstlarga adolatli boʻlish, kattalarga hurmat, oʻzidan kichiklarga gʻamxoʻrlik qilishga chorlashi menga maʼqul keldi.
Kitob- insonning doʻsti deb bejiz aytishmagan ekan. Haqiqatda, kitob bizning sirdoshimiz, aqlimizni charxlovchi doʻstimizdir. Har safar kitob mutolaa qilganimda koʻnglimdan shularni his qilaman.
Aziz tengdoshlar,uyda qoling, mutolaa bilan band boʻling!
