КОНСТИТУЦИЯ ­- ДЕМОКРАТИЯ ВА АДОЛАТ КАФОЛАТИ

0
325
марта кўрилган.

 

Тошкент шаҳри Юнусобод туманидаги Боғишамол маҳалласида Тошкент- шаҳар  «Соғлом она ва бола» аёллар ва ёшлар марказининг Ўзбекистон Республикаси Олий Мажлиси ҳузуридаги нодавлат нотижорат ташкилотлари ва фуқаролик жамиятининг бошқа институтларини қўллаб-қувватлаш Жамоат фонди  лойиҳаси асосида ”Оила маданияти- юрт тинчлиги” мавзуидаги “Салоҳият” кўчма клубининг навбатдаги тадбири 2017 йил 8 ноябрь куни соат 10.00да  бўлиб ўтди.

 

Тадбир Тошкент шаҳар «Билим» кутубхонаси, “Камалак” нашриёти билан ҳамкорликда ўтказилди. Марказ раҳбари, Республикада хизмат кўрсатган журналист Раъно Зарипова тадбирни очиб, кун тартиби ва маърузачилар билан таништирди.

Олий Мажлис Қонунчилик палатасининг иккинчи Чақириқида депутат бўлиб сайланиб фаолият юритган, айни кунда Тошкент шаҳар «Билим» кутубхонаси директори Ҳофизахон Каримова асосий қонунимиз-Ўзбекистон Республикаси Конституциясининг– халқимиз ҳамда юртимизнинг бугуни ва келажагининг ифодаси эканлиги. шу боис ҳам мамлакатимизда Бош Қомусимиз қабул қилинган кунга бағишланган тантанали маросим ўтказилиши яхши анъанага айланганлиги, тантанали маросимда Юртбошимиз ўтаётган йилни сарҳисоб қилиб, келгуси йилнинг муҳим ва устувор вазифаларини  белгилаб беришини таъкидлаб, асосий қонунимизнинг мазмун-моҳиятини шарҳлаб берди.

 

Иккинчи йўналишда оилаларнинг мутолаа маданиятини юксалтиришга бағишланди. “Камалак” нашриёти директори, шоира Ўктамой Холдорова мутоланинг инсон шахсини шакллантиришидаги аҳамияти ҳақида гапириб, гўзал шеърлари билан тингловчиларни хушнуд қилди.

Тошкент шаҳар «Соғлом она ва бола» аёллар ва ёшларни қўллаб қувватлаш маркази директори, Республикада хизмат кўрсатган журналист Раъно Зарипова Ўзбекистон Республикаси Конституцияси ва қонунлари асосида “Ўз ҳуқуқингизни биласизми” мавзуида тайёрланган саволномаларни  тингловчиларга тарқатди. Ушбу саволлар асосида жонли мулоқот ҳам ўтказди. Тингловчилар томонидан берилган жавоблар Марказнинг  “gujum.uz” сайтига  жойлаштирилиши, танлов якунида фаол қатнашганлар тақдирланиши ҳам тушунтирди. Шунингдек, “gujum.uz” сайти билан слайда орқали таништирди.  

Тадбирда Раъно Зарипова ўзининг ҳамда оила аъзоларининг муаллифлик китобларидан 4тасини, «Тафаккур қаноти» нашриётининг шахсий кутубхонасидан 8 тасини, шоира Ўктамой Холдорова ўз нашриётидан 5тасини маҳалла  кутубхонасига совға қилди.

 Шунингдек, тадбирда “Ғунча” ҳамда “Гулхан” журналларидан ва “Соғлом авлод”, “Класс”, “Тонг юлдузи”  газеталаридан йиғилиш қатнашчиларига оилавий мутола учун армуғон этилди.                                                                                                                                                                                                                                                                                                                  Ж. Саъдуллаев                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                            

 

Ёйиш

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.