Bugun respublikamizning barcha soʻlim bogʻ-u, keng maydonlarida bayram nafasi kezmoqda. Bolalarga quvonchlar ulashilmoqda. Darhaqiqat, har bir bola sogʻlom va baxtli boʻlishga, ota-ona mehriga toʻyib yashashga haqli. Buning uchun ezgu niyat, ezgu soʻz, ezgu amal darkor.
Aziz ota-onalar! Bolalaringizni quching – mehr berishga qodirligingizni anglaysiz.
Ezgu soʻzlarni sokin ovozda ayting – samimiyat rishtalarini mustahkamlaysiz.
Koʻzlariga qarab, qobiliyatlariga urgʻu bering – kayfiyati koʻtariladi, bagʻri kengayadi.
Aziz farzandlar! Ota-onangizni quching – qalbingiz taskin topadi.
Opa-singil, aka-ukangizni quching – baxtli ekaningizni chuqurroq his etasiz.
Aziz ota-onalar va farzandlar!
Hayotga, atrofga mehr bilan qarang – turmushingiz yengillashadi, goʻzallashadi.
Azizlar, har bir kuningiz bayram boʻlsin!
GUJUM.UZ
