Olmazor tuman axborot-kutubxona markazida ushbu tumandagi 233 va 133 maktab oʻquvchilari yozgi taʼtilning bir kunini maroqli oʻtkazdilar.
Bu yerda jahon adabiyoti namoyondalaridan Aleksandr Pushkin, Lev Tolstoy, Ivan Krilovning ijodiga bagʻishlab “Jahon adabiyoti allomalari” nomli tadbir boʻlib oʻtdi.
Tadbirda oʻquvchilar A.S.Pushkin sheʼrlaridan ifodali oʻqib berdilar. L.Tolstoyning asarlari haqida oʻz tassurotlarini gapirdilar va fikr almashdilar. I.Krilovning masallaridan ijro etib, aktyorlik mahoratini namoyon etdilar.
Bolalarning kitobxonlikka boʻlgan qiziqishlari balandligi barchani xursand qildi. Tadbir juda ham qizgʻin va munozaralarga boy tarzda oʻtdi.
Tadbirda qirqdan ziyod kitobxonlar qatnashdilar va kutubxonaga aʼzo qilindilar.
Hofiza Karimova
