Мансур Юнус каналидаги Нафиса Мўминованинг ютуқлари ва ташаббуси ҳақидаги қуйидаги хушхабарни ўқиб, очиғи ҳавасим келди. Ҳаёт йўлини саъй-ҳаракатларини мақсадли ва интилувчан ҳаёт деса арзийди. Ақлнинг чархи бўлган шахматга ўзбек болаларини ўргатишни бошлаган экан буни қутлаш керак. Балки бу масканни кўпчилик билар, бироқ мен учун янгилик бўлди. Шахсан танишиш истагим ҳам йўқ эмас. У рекламага ўхшаб кетади. Бироқ, ўзбек қизи ҳақида келтирилган далиллар ва рақамлар гўзал!
Нафиса Мўминова — халқаро гроссмейстер бўлган илк ўзбекистонлик аёл. «Ўзбекистон ифтихори» давлат мукофоти соҳибаси.
Нафиса – аёллар ўртасида кўп карра Ўзбекистон ва Марказий Осиё чемпиони.
2007 йилда Нафиса биринчи ўринни қўлга киритиб, дунёнинг 64 нафар энг кучли шахматчилари қатори жаҳон чемпионатида қатнашган. У катталар ўртасидаги жаҳон чемпионатига борган илк ўзбек қизи!
2013 йилда Халқаро шахмат федерацияси (ФИДЕ) уни халқаро гроссмейстер деб эълон қилди.
2014 йил Тошкентда Нафиса Мўминова ташаббуси билан Sky Chess шахмат мактаби очилди! Ушбу мактаб 4 ёшдан бошлаб болаларга шаҳмат ўргатишни ва улар орасидан шахмат чемпионларини тайёрлашни ўзининг мақсади ва вазифаси қилиб белгилаган.
Sky Chess — чемпионлар авлоди! Манзил: Мустақиллик майдони «Пойтахт» бизнес маркази.
☎️(78)120-00-25, (97)137-00-25.
Раъно ЗАРИПОВА
