Oʻzbekiston Nodavlat notijorat tashkilotlar Milliy assotsiatsiyasi kengashi raisi Nasimjon Alimov: – Bugungi tojdor virus pandemiyasi har birimizdan shaxsiy gigiyena va virusdan himoyalanish boʻyicha shifokorlar tavsiyalariga qatʼiy amal qilishni talab etmoqda. Xalqimizda azal-azaldan qoʻlini koʻksiga qoʻyib salomlashib, oʻzaro hurmat va ehtiromini koʻrsatgan. Bugun ayrim yurtdoshlarimiz bir-birlari bilan qoʻl berib yoki quchoqlashib koʻrishish vaziyat taqozosiga koʻra mumkin emasligini chuqur anglashi kerak va milliy qadriyatlarimizga monand salomlashish maqsadga muvofiq. Milliy qadriyatlarimiz nihoyatda boy va rang-barangdir. Bunday holatlarda qoʻl berib koʻrishish oʻrniga ikki taraf oʻng qoʻlini koʻksiga qoʻyib, masofa saqlab salomlashishi milliy qadriyatlarimizga ham, bugungi gigiyenik talablarga ham mos keladi…
